<蛋白質新來源：昆蟲肉醬?!😱>
食素嘅朋友好多都依賴豆腐作為蛋白質來源。咁如果叫你試食黃粉蟲豆腐你又覺得點呢？😳
為左令昆蟲更加可口同掩人耳目，你可以試下將草蜢撈埋茄汁整成肉醬意粉；或者購買已經磨成粉，超濃縮嘅昆蟲蛋白質，將佢整成“豆腐”，跟住放入蛋糕入面烘培。依嗰絕對係一個既新穎又經濟嘅方法去增加自己每日蛋白質嘅攝取量呀！
昆蟲肉係宜家好多西方人提倡嘅可持續性 (Sustainable) 蛋白質來源。
打個比喻，如果10kg嘅糧草可以餵到一隻牛🐮，想像下10kg嘅糧草可以養到幾多隻昆蟲草蜢🐛，為人類帶來更多蛋白質。未來嘅人類不妨用下依個方法去杜絕飢荒，繼續餵不斷增長嘅人口。
個日睇無線明珠台，見到有個節目講未來飲食嘅潮流動向。 而節目訪問C-fu Foods Inc.（http://cfufoods.com/recipes）創立人嘅時候，我就認得佢係我大學嘅師兄！曾經同他共用課室廚房嘅時候有過一面之談，而佢當時就正正研發緊依隻黃粉蟲豆腐！😎
食昆蟲係遠古時代都已經有人咁做，但係對現今社會嘅人黎講，食昆蟲真係好難接受，好難入口嘅事...😰 要將佢普及化，的確好難。所以祝福師兄你，唔好放棄！你嘅理念係偉大既！！👍
Search